Alright Sagn D´leit Lyrics

s´Moped hat an Patsch und i muß´n richtn, den Undichten.
    Auf Patschenrichten und so Gschichten kann i gern verzichten.
Den Patschn hams ma gstochen und d´Frau will schon Wochn lang nit kochen.
    Da mußt di wehren, an Herrn außa kehrn und auf´s Kochn pochn.
Mein Nachbar fahrt mit´n Glitzer-Flitzer auf an Nizza-Spritzer.
    Und mir san schon stier von an Bier und ana Pizza "Nizza".

Chorus: 
Okay, okay, alright sagn d´Leit,    (des is nit gsund, Peda)
des is halt so, so is des heit.    (s´Leben is a Hund, Peda)
Okay, okay haßt´s weit und brei. (Ins schönste Summerweda kracht oft a Dunnerweda, Peda)
Okay, okay, alright sagn d´Leit,    (die haltn uns für bleda)
des is halt so, so is des heit    (als wie mir san, Peda)
Okay, okay haßt´s weit und brei    (doch früher oder später draht si jeds Weda, Peda)

Politisch find i´s kritisch daß der Bierpreis immer steigt.
    Und i, daß´s Horoskop nur gegen mein Tierkreis immer schreibt.
Und a privat geht nix, d´Frau red´t nix, will im Bett nix.
    I wett, des is a Gfrett von A bis Z, a unnötigs.
Sie derf a mit´n Nachbarn redn, wenn´s nur nimma so stü war.
    Aso, für´n Nachbarn von gegenüber, sagst hat sie viel über?

Chorus

Heut hab i´s endlich gfragt, wie war´s mitn Kochen und so Sachn.
    Ach, hast di endlich einmal kämpfn traut mit deinem Drachen?
Da is a Zettel glegn, daß sie sich für´n Patschenstich entschuldigt.
    Entschuldigt oder nicht entschuldigt: Du bist zu geduldig!
Sie war ja nur so still, weil sie ist schon a Wochn in Nizza.
    Au, des klingt nach dein netten Nachbarn mit´n Glitzerflitzer!

Chorus

(sent by Peter Schinko, E-Mail: f.schinko@mail.asn-linz.ac.at)